Бид ахмад үеийнхээ  гайхамшигтай түүх, соёлыг  үргэлжлүүлэн бүтээх үүрэгтэй энэ дэлхий дээр төрсөн юм.

Өвөг дээдсээсээ уламжлан ирсэн түүхэн үйл явдал, уужим саруул ухааныг  өдөр бүр санаж, оюун ухаан, авьяас билгээ дайчилж, сайхан Монгол эх орноо хөгжүүлэх  зөв монгол хүн болон төлөвшиж дэлхий дахинд монгол хүний гайхамшигт эрдэм мэдлэг, авьяас чадварыг гайхуулах цаг үе ирсэн байна.

Энэ үүрэг хариуцлагыг биелүүлэхийн тулд:

Чин үнэнч сэтгэлтэй, эрүүл саруул бие бялдартай байж, эрдэм мэдлэг эзэмших арга барилд суралцаж, хүн бүр жинхэнэ авьяас чадвараа нээн хөгжүүлэх  

21-р зууны үсрэнгүй хөгжилтэй  хөл нийлүүлэн алхах, шинэ бүтээл санаачлах, эх орноо хөгжүүлэхэд  үнэтэй хувь нэмэр оруулах зорилготой байх  

 Монгол ёс заншил, хууль дүрмээ хүндэтгэн дээдэлж үр бүтээлтэй, бодит үнэн, хайр хүндэтгэлийг үндэс сууриа болгон эв нэгдэлтэй алхах  

Бидний санаачилга, хамтран ажиллах ажиллагаанаас улс орны цэцэглэн хөгжих нь шалтгаална. Миний хөгжлөөс улс орны ирээдүй үүдэлтэй гэдгийг ухаарч бүх зүйлд хариуцлагатай хандаж өөрсдөө эх орныхоо бүтээн байгуулалтад гар бие оролцож сайн санааны үйлс хийх нь миний ухаан санаа тэлж өөрчлөгдөн хөгжинө гэдгийг сайтар ойлгох

Хүн нэг бүрийн эрхэм зорилго бол  эх орон, эх орныхоо тусгаар тогтнолыг хайрлан хамгаалах нь миний амьдралын зам мөн гэдгийг итгэл үнэмшлээ болгон өөдрөг  хүсэл эрмэлзэлтэйгээр цаашдын амьдралаа харж итгэл үнэмшил, бахархал дүүрэн хичээнгүйлэн суралцаж эх орныхоо шинэ түүхийг бүтээцгээе.